Post by Admin on Jun 18, 2020 16:15:49 GMT
ԳԼՈՒԽ 2
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ, ԿԱՌԱՎԱՐՈՒԹՅԱՆ ԼԻԱԶՈՐԱԾ ՊԵՏԱԿԱՆ ԿԱՌԱՎԱՐՄԱՆ ՄԱՐՄՆԻ ԵՎ ԱԶԳԱՅԻՆ ՄԱՐՄՆԻ ԼԻԱԶՈՐՈՒԹՅՈՒՆՆԵՐԸ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ, ԿԱՌԱՎԱՐՈՒԹՅԱՆ ԼԻԱԶՈՐԱԾ ՊԵՏԱԿԱՆ ԿԱՌԱՎԱՐՄԱՆ ՄԱՐՄՆԻ ԵՎ ԱԶԳԱՅԻՆ ՄԱՐՄՆԻ ԼԻԱԶՈՐՈՒԹՅՈՒՆՆԵՐԸ
Հոդված 7. Հայաստանի Հանրապետության կառավարության լիազորությունները
1. Հայաստանի Հանրապետության կառավարությունը (այսուհետ` կառավարություն)`
1) իրականացնում է կինեմատոգրաֆիայի ոլորտում պետական միասնական քաղաքականությունը.
2) հաստատում է պետական բյուջեի միջոցների հաշվին կինեմատոգրաֆիայի ոլորտի ֆինանսավորում տրամադրելու կարգը.
3) հաստատում է տվյալ տարվա Հայաստանի Հանրապետության պետական բյուջեի (այսուհետ` պետական բյուջե) միջոցների հաշվին ֆիլմի առաձին կատեգորիաների ֆինանսավորման մասնաբաժինները եւ սահմանաչափերը.
4) հաստատում է ֆիլմարտադրության եւ ֆիլմի ցուցադրման նպատակով ժամանակավոր ներմուծվող կամ արտահանվող ապրանքների ցանկը, որոնց համար սահմանվում է հայտարարագրման պարզեցված կարգ եւ մինչեւ մեկ աշխատանքային օր բաց թողնման ժամկետ.
5) հաստատում է ֆիլմարտադրության նպատակով Հայաստանի Հանրապետություն ժամանող անձանց մուտքի վիզա ձեռք բերելու պահանջից ազատելու կարգը եւ առանց աշխատանքի թույլտվության աշխատելու իրավունք տվող մասնագիտությունների ցանկը.
6) հաստատում է հավաստագիր տրամադրելու կարգը.
7) հաստատում է վարձույթի վկայական տրամադրելու կարգը.
8) հաստատում է ազգային ֆիլմի կարգավիճակ տրամադրելու կարգը.
9) հաստատում է համատեղ արտադրության կարգավիճակ տրամադրելու կարգը.
10) հաստատում է ֆիլմը դասակարգելու եւ դրա վերաբերյալ նշում կատարելու կարգը.
11) հաստատում է դրամագլխին հատկացումներ կատարելու կարգը.
12) հաստատում է ազգային ֆիլմերի պահպանությունն իրականացնելու կարգը.
13) հաստատում է ազգային կինոռեեստր ստեղծելու եւ վարելու կարգը.
14) իրականացնում է Սահմանադրությամբ եւ օրենքով նախատեսված այլ լիազորություններ:
Հոդված 8. Կառավարության լիազորած պետական կառավարման մարմնի լիազորությունները
1. Մշակույթի ոլորտում կառավարության լիազորած պետական կառավարման մարմինը (այսուհետ` լիազորված պետական մարմին)`
1) մշակում է կինեմատոգրաֆիայի ոլորտի պետական քաղաքականությունը.
2) մշակում է կինեմատոգրաֆիայի զարգացմանն ուղղված ծրագրերն ու հայեցակարգերը.
3) ապահովում է կինեմատոգրաֆիայի միջազգային համագործակցության զարգացումը.
4) ուսումնասիրում է հավաստագիր տրամադրելու համար հիմք հանդիսացող փաստաթղթերը եւ տրամադրում հավաստագիր.
5) հաստատում է ֆիլմարտադրության հետ անմիջականորեն կապված ծախսերի կազմն ու նվազագույն շահավետ գների հաշվարկման նորմատիվները.
6) հաստատում է ֆինանսավորման նպատակով մրցույթ անցկացնելու կանոնակարգը.
7) հաստատում է ազգային մարմնի խորհրդի եւ գործադիր տնօրենի ընտրության կարգը.
8) իրականացնում է Սահմանադրությամբ եւ օրենքով նախատեսված այլ լիազորություններ:
Հոդված 9. Ազգային մարմնի լիազորությունները
1. Կինեմատոգրաֆիայի ոլորտում ազգային մարմինը (այսուհետ` ազգային մարմին)`
1) ապահովում է լիազորված պետական մարմնի ծրագրով հաստատված տարեկան գործունեության իրականացումը.
2) ապահովում է պայմաններ երիտասարդ ստեղծագործողների լիարժեք ինքնադրսեւորման, ստեղծագործական ներուժի վերարտադրման եւ իրացման համար.
3) ապահովում է պայմաններ կադրերի պատրաստման եւ վերապատրաստման համար.
4) ապահովում է պայմաններ ոլորտի կրթական համակարգի զարգացման համար.
5) ապահովում է պայմաններ փոքր եւ միջին ֆիլմարտադրողների կայացման համար.
6) ապահովում է շահերի բախման բացառումը կինեմատոգրաֆիայի ոլորտում.
7) ապահովում է կինոարվեստի ստեղծագործության բոլոր տեսակների զարգացումը.
8) ապահովում է պայմաններ ֆիլմերի ցուցադրման ցանցի ստեղծման համար.
9) ապահովում է ազգային կինոռեեստրի ստեղծումը եւ հետագա վարումը.
10) ապահովում է ազգային եւ համաշխարհային կինոժառանգության հասանելիությունը.
11) ապահովում է ֆիլմերի վերականգնումն ու թվայնացումը.
12) ապահովում է ֆիլմերի դասակարգումը.
13) ապահովում է պայմաններ համատեղ արտադրության զարգացման համար.
14) հատկացնում է ֆինանսավորում եւ կատարում նպատակային օգտագործման հսկում.
15) հաստատում է հարաբերություններ կինոարվեստի միջազգային կառույցների հետ.
16) աջակցում է ֆիլմի կրկնօրինակամը, ենթագրմանը եւ ձայնային ներկայացմանը.
17) աջակցում է ազգային ֆիլմերի ստեղծմանը եւ հանրահռչակմանը.
18) աջակցում է դեբյուտային, մանկական եւ էքսպերիմենտալ ֆիլմերի ստեղծմանը.
19) աջակցում է կինոարվեստի միջոցառումներին ազգային ֆիլմերի մասնակցությանը.
20) ուսումնասիրում է ազգային ֆիլմերի աջակցության դրամագլխին հատկացումներ կատարելու համար հիմք հադիսացող տեղեկությունները.
21) ուսումնասիրում է հանրային տարածքներում ֆիլմի նկարահանում իրականացնելու համար օրենքով նախատեսված պահանջների բավարարումը հավաստող փաստաթղթերը.
22) ուսումնասիրում է վարձույթի վկայական տրամադրելու համար հիմք հանդիսացող փաստաթղթերը եւ տրամադրում վարձույթի վկայական.
23) ուսումնասիրում է ազգային ֆիլմի կարգավիճակ տրամադրելու համար հիմք հանդիսացող փաստաթղթերը եւ տրամադրում ազգային ֆիլմի կարգավիճակ.
24) ուսումնասիրում է համատեղ արտադրության կարգավիճակ տրամադրելու համար հիմք հանդիսացող փաստաթղթերը եւ տրամադրում համատեղ արտադրության կարգավիճակ.
25) իրականացնում է օրենքով եւ իր կանոնադրությամբ սահմանված այլ լիազորություններ: